U Lifestyle
深圳攻略
深圳8間按摩水療店推介！鄰近口岸／24小時任玩／別墅湯泉／自助餐
唔少香港人都鍾意北上按摩，但原來近年深圳啲水療中心已經高級到唔止可以歎埋 Buffet、捉棋打牌，仲可以 24 小時任玩，仲可以過埋夜添！今日小編就整合出社群U Creator實測深圳8大按摩水療店，即刻save低佢哋出嘅post做參考啦！💆🏼♀️
---------------
【Chill賞親子玩樂祭🎉】全港爸媽最強「親子Chill玩攻略」正式上線！
每次放假都要諗帶仔女去邊玩真係R爆頭😵💫！不過U Community社群已經為各位爸媽準備好「Chill賞親子玩樂祭」！無論係全港最新放電位、隱世打卡點，定係親子旅遊攻略同育兒心得，一應俱全！仲有一系列主題樂園門票、酒店Staycation及人氣產品免費試用試玩活動等住您！
緊貼「Chill賞親子玩樂祭」最新親子攻略
---------------
1️⃣ 泰二·SPA·足道·洗頭·按摩
按摩連鎖品牌「泰二」喺深圳有多達30家連鎖店，於福田、羅湖、深圳灣口岸附近都有分店。主打正宗泰式SPA、採耳、頭部及全身按摩等服務。特別在於開始按摩前，按摩師會先為客人提供腳部牛奶磨砂服務，社群U Creator形容全程體驗良好，雙人體驗80分鐘全身熱油Spa，平均HK$300/位，性價比相當高！
📍地址：南山區海德三道天利中央商務廣場B座低區11樓1101室
> “winniekmt” 分享海岸城高質SPA及頭療心得及價錢<
---------------
2️⃣ 漫椿慕舍
位於福田區嘅「漫椿慕舍」主打高質頭療及全身精油SPA，特別在於店內提供每日現煮29種純中藥熬制茶，由內到外都養生！社群U Creator就表示按完之後成個人都精神晒，絕對係解壓放鬆好去處！而且按摩店鄰近福田口岸，只需15分鐘車程，港人即日來回都超方便！
📍地址：福田街道水圍村金田路1013號銀莊大廈202-205號鋪
🚊交通：深圳地鐵4號線福民站D出口
> “heimen” 同您介紹福田區高質頭療SPA體驗<
---------------
3️⃣ 密SPA 靜奢水會
位於羅湖區嘅「密SPA 靜奢水會」係深圳唯一一間同時兼備聞香館、水療服務嘅三層高級SPA會所，分別設有Cafe、 自助餐、酒吧、投影休閒區域、按摩區、24小時桑拿等等，而且採用進口純植物天然精油，享受貴婦生活～重點係中心更設有舒適睡眠區，有埋枕頭同床褥，方便客人留宿，太Chill了吧！
📍地址：羅湖區田貝四路水田二街翠竹酒店
🚊交通：深圳地鐵3號線田貝站F出口
> “Snowycookingmama” 分享羅湖區貴婦SPA體驗<
---------------
4️⃣ 嘉年華湯泉生活·水療·自助餐·按摩
同樣位於羅湖區嘅「嘉年華湯泉生活」竟然可以一個票價就同時享受水療按摩、PS5電競遊戲全日任玩、水果飲品任食任飲，24小時營業仲可以免費過夜免小費！場地面積夠大，有齊恆溫大浴池、男女獨立浴池、桑拿、中式推拿等服務，勁多活動唔怕悶親，適合Weekend想短途放鬆下嘅您！
📍地址：羅湖區新圍社區深南東路5055號金融中心大樓南座201室
🚊交通：深圳地鐵1號線至大劇院站E出口
> “sukisukiy” 分享24小時水療中心暢玩攻略<
---------------
5️⃣ 阿奇拉湯泉生活
深圳高質水療場所有咁多間，但原來南山區有一間可以玩埋潛水嘅湯泉會所！呢間「阿奇拉湯泉生活」係近年港人北上嘅熱門休閒場所之一，場地佔地20,000平方米共兩層高，除咗可以暢玩電動遊戲、茶點任食任飲及按摩溫泉做SPA之外，週末更設有親子工作坊，仲有美人魚表演睇，勁多吃喝玩樂項目數都數唔曬，難怪係港人北上按摩首選！
📍地址：南山區桃園路田夏國際中心AB樓2-3層
🚊交通：深圳地鐵1號線「桃園站」A出口
> “蕃薯妹四圍遊” 拍片分享阿奇拉湯泉生活各種娛樂項目<
---------------
6️⃣ 健康100度假湯泉
位於羅湖區嘅「健康100度假湯泉」係深圳首家別墅式湯泉，一個票價就可以歎足24小時五星級度假級放鬆！場地提供「星空浴池」、「玫瑰牛奶浴」等別致按摩水療體驗，而且室外更設有2萬呎露天空中花園，仲可以體驗埋天台BBQ，完全係打卡養生雙重享受啊～
📍地址：羅湖區清水河街道銀湖社區銀湖路48號
🚊交通：深圳地鐵6/9號線至「銀湖站」D出口
> “hidden.lady” 同您開箱深圳首家別墅式湯泉係咩體驗<
---------------
7️⃣ 蓮港國際水會
去開蓮塘口岸嘅您唔好錯過呢間高質嘅按摩水療場所！「蓮港國際水會」鄰近仙湖植物園及梧桐山，最適合郊遊一整日去放鬆身心！人均約¥200左右就可以一站式體驗按摩、汗蒸、電玩、KTV、免費自助餐等服務，場內仲設有多功能包廂提供唔同商務或私人聚會活動，而且一出關口即到，交通超方便！
📍地址：羅湖區蓮塘街道西嶺社區羅沙路4099號蘭亭國際名園-101
🚊交通：深圳地鐵2/8號線「蓮塘口岸站」A2出口
> “Carmen Chu” 詳細分享蓮港國際水會休閒項目<
---------------
8️⃣ 水立方健康水療會
想高CP值體驗酒店級數嘅水療按摩，福田呢間開咗 18 年、深圳知名的按摩品牌「水立方」您一定要試！場地鄰近福田口岸，有齊按摩、桑拿、KTV、健身區同自助餐等一站式吃喝玩樂體驗，仲可以免費過夜！今鋪真係全面幫您放鬆身心啦～
📍地址：福田區新洲路3099號綠景飯店5-6層
🚊交通：深圳地鐵3/7號線石廈站或沙尾站步行10分鐘
> “chinschins” 分享福田區高質水療會放鬆心得<
---------------
《Chill賞親子玩樂祭👨👩👧》爸媽Creator 大募集📢
親子活動搶先試 • 邊玩邊攞獎 ▶ https://ulapp.hk/r97xz
招募旅遊Creator l 出Post賺旅費！
立即登記➡️ https://ulapp.hk/nsq06
🔔 Follow《U Community社群》Instagram 同讚好 Facebook 專頁 ，睇更多U Creator品牌活動招募丶送禮丶緊貼最新美食丶旅遊打卡熱話或創作者流量密碼教學等。
圖片來源：小紅書帳戶@阿奇拉湯泉、社群U Creator Hforhappiness 、 winniekmt
UCreator 社群創作有價 ULifestyleApp 社群排行榜 深圳好去處 深圳按摩 北上消費 深圳水療 SPA推介 深圳美食 自助餐 24小時 福田 羅湖 南山 打工仔日常 週末好去處
閱讀更多